Құстар – біздің досымыз

Ашық оқу қызметінің ұйымдастырылған жоспары

Білім беру саласы:, «Таным», «Қатынас», «Шығармашылық»

Бөлімі:Жаратылыстану, Сөйлеуді дамыту, Математика.

Тақырыбы:«Құстар — біздің досымыз».

Мақсаты:Құстар туралы білімдерін кеңейту. Олардың тіршілігін, ортақ қасиеттерін, айырмашылығын ажыратуға үйрету. Құстарға қамқорлық жасауға, оларға деген сүйіспеншілік сезімдерін ояту. .Баланың ой — өрісін дамытып, сөздік қорын молайту. Сұраққа толық жауап беруге,  екі- үш  сөйлем құрастыруға қалыптастыру. Құстарға қамқор бола білуге, қорғауға, табиғатты сүйе білуге  тәрбиелеу.

Билингвальді компонент: Құстар – птицы – birds
Әдіс – тәсілдер: көрсету, түсіндіру, сұрақ – жауап.
Көрнекіліктер:мазмұнды суреттер, ойын, сергіту сәті.

Балалар,қарандаршы бізге қонақтар келіпті. Келген қонақтармен амандасып алайық.

Шаттық шеңбер:

Арайлап таң атты,

Алтын сәуле таратты.

Жарқырайды күніміз,

Жайнай түсті гүліміз.

Кайырлы күн, балалар!

Кайырлы күн, қонақтар!

Доброе утро всем нам!

Доброе утро всем гостям!

 Good morning,good morning,

Good morning to you.

Good morning,good morning,

I am glad to see you.

Балалар сендердің көңіл күйлерің көтеріліп қалдыма, енді осы әдемі көңіл күйімізбен орнымызға жайғасайық

Балалар, мына өлеңді тыңдаңдаршы

Аяз қысып, өрнек сызып,

Терезені торлайды.

Қар омбығып, бет домбығып,

Балдырғандар ойнайды.

Кейде ұлып, кейде ысқырып,

Боран ұйытқып соғады.

Бөбектерім, айтыңдаршы,

Бұл қай кезде болады? Қыс.

-Қыс мезгілінде неше ай бар.
-Қыс мезгілінің айларын атаңдаршы?
— Қыс мезгілінде табиғатта қандай өзгерістер болады?
Ғажайып сәт: Қарғаның дауысы қарр-қарр

 Балалар ненің дауысы естіліп тұр?

Балалар: Қарға.

Тәрбиеші: Ендеше, біздің бүгінгі ұйымдастырылған  ашық оқу- қызметіміз  «Құстар- біздің досымыз» тақырыбында болмақ.

Мына торда не бар екенін ашып көрейікші.

Балалар, қараңдаршы мынау қандай құс.       

 -Қарға.                                                                                                    

 — Балалар, қарға үй құсы ма, әлде дала құсы ма?

-Дала құсы.
Дұрыс айтасың бұл дала құсы .
Балалар сендер тағы қандай құстарды білесіндер?
Қарға,кептер,торғай, сауысқан
Дұрыс айтасыңдар балалар, құстар екіге бөлінеді. Сендердің айтқан құстарың дала құстарына, яғни қыстап қалатын құстарға жатады.
Қарғаға кім сипттама береді.
Сәбина: Қарға – басы, қанаты, құйрығы қара, ал арқасы мен бауыры сұрғылт, тұмсығы үшкір, тырнақтары өткір. Түрлі тамақ қалдықтарымен,тырнақтарымен қар астынан шұқып жейді.  Қарғалар ұзақ өмір сүреді. Жарайсың дұрыс айтасың.
Чарос :Сауысқан:Түсі: қара ала.Көлемі:торғайдан ірі.Ұзын құйрықты құс.
Ерасыл:Қараторғай: Түсі:қара.Көлемі:торғайдан сәл үлкендеу.Ұясын:адамдар жасаған үйшіктерге,ағаш қуыстарына,таулы тастардың арасына салады.Жейтін қорегі:маса,құрт,шіркей,жауын құрты.
Қыстап калатын тағы қандай құстарды білесіндер? Сауысқан, торғай, шымшықтар,қарға,кептер.Дұрыс айтасындар .Құстар туралы балалар кім тақпақ айтып береді.
Алинұр:Слайд
Мен торғаймын, торғаймын
Жерге бекер қонбаймын
Құрт — құмырсқа шіркейден
Ақ бидайды қорғаймын.
Иманғали:
Шыр — шыр еткен торғайды
Қорғамасақ болмайды
Кіп — кішкене торғайлар
Ағаштарды қорғайды.
Амина
 Қарға қарға қарғалар,
Қар үстінде жорғалар.
Боран соқса қар болар,
Бұтаға қонар қарғалар.
Артем                                                                                              

Үйге кірші  торғайым.
Мен аяздан қорғайын.

Жем шашайын жегейсін,
Үйшік жасап берейін

Жарайсындар балалар сендер құстар туралы көп біледі екенсіңдер.балалар орнымыздан тұрып сергіп алайық.

Сергіту сәті .
Қарға  болып ұшайық,
Торғай болып қонайық
Сауысқан болып секіріп,
Тоқылдақ болып шоқиық
Қане қанат жазайық
Қарға болып ұшайық
Ұшып -ұшып алайық
Орнымызға қонайық

Жарайсындар орнымызға отырайық.
Балалар Қыстап қалған құстарға қандай қамқорлық жасар едіңдер?
— құстарға ұя салу,жем шашамыз,су береміз.
Онда интеллектум ойынын пайдалана отырып ,құстарға арналған ұя жасайық.
Ойын: Интеллектум .
 Балалар ұя қанша бөліктен тұрады ?(7бөлшек)                                                                                      Қандай түстерден тұрады?
Қандай пішіндерден тұрады?

Осы геометриялық пішіндерден қыстап қалатын құстарға ұя жасап берейікші. Жарайсындар өте жақсы жасадыңдар.

Балалар қолдарын шаршаған шығар нейро жаттығуын жасайық .

Балалар сендермен тағы бір  ойын ойнағым келіп тұр қыстап қалатын құстарды біз білдік,осы құстардың ішіндегі қайсы артық құс,қайсы қыстап қалатын құстарға жатпайтын құсты тауып фламастермен қоршап белгілейік.

Д/о: Не артық?

Жарайсыңдар  балалар! Өте тамаша !

 Осы құстар туралы қандай  тыйым сөздерді  білесіндер.
Тыйым сөздер.
1. Құсты атпа!     ( Ахмедияр)
2. Құстың жұмыртқасын жарма!   ( Зере)
3. Құстың ұясын бұзба! (Нұрасыл)
4. Аққуды атпа, досыңды сатпа!( Карлыгаш) Жарайсыңдар тыйым сөздерді барлығың біледі екенсіңдер. Балалар барлығың кілем үстіне келіңдерші.
Балалар, барлығыңызды «жүректен жүрекке» шенберіне шақырамын..
Балалар, біздер құстарға деген сүйіспеншілігімізді білдірейікші! ( Тәрбиеші торданқарғаны қолға алып,  алақанына салып, келесі балаға ұсынады.)
Тәрбиеші: — Егер менің қолыма құс келіп қонса, мен оны аялап мәпелер едім — деп, балапанды балаларға ұсынады.
 Ерасыл: — Егер менің қолыма құс келіп қонса, мен оған әдемілеп ұя жасап берер едім.
Сабина:-Егер менің қолыма құс келіп қонса, мен оның аузына дән салар едім.
Алинұр:- Егер менің қолыма құс келіп қонса мен оның қанаттарын тазалар едім.
Қарлығаш:- Егер менің қолыма құс келіп қонса, мен оны құшағыма қысар едім.Артем:- Егер менің қолыма құс келіп қонса , мен оған су берер едім.                                               Амина:- Егер менің қолыма құс келіп қонса , мен оған жем берер едім.
Чарос:-Егер менің қолыма құс келіп қонса , мен оған бар мейірімімді төгер едім.
Иманғали: -Егер менің қолыма құс келіп қонса , жақсы көңіл-күй сыйлар едім.
Зере:- Егер менің қолыма құс келіп қонса , мен оны барынша қорғар едім.
Қарлығаш: Егер менің қолыма құс келіп қонса , мен оған қыста тоңбас үшін, ұя жасар едім.
Жарайсыңдар, балалар! Осы сәби жүрегінен шыққан жақсы тілектер қабыл болсын! Құстарымыз сайрап, күніміз ашық болсын!  Қарғамыз бостандыққа шығып сендерге өзінің тәтті қарларын сыйлыққа алып келіпті.Осымен ұйымдастырылған  ашық оқу қызметіміз аяқталды,барлықтарың өте жақсы қатыстыңдар,ал енді барлығымыз бірге қарғамызды далаға ұшырайық. Сіздерге рахмет!
Қорытынды: Балалар құстардың тіршілігін біліп, ортақ қасиеттерін,айырмашылықтарын ажырата алады.Құстар табиғаттың керемет тіршілік иелері. Құстар – біздің досымыз. Біздер үнемі  құстарға қамқорлық жасап, қорғап жүруіміз керек.
Күтілетін нәтиже:
Нені біледі: Құстардың тіршілігін , ортақ қасиеттерін , айырмашылығын ажыратуды үйрету.
Қандай түсінікті игереді: Құстарға қамқор болуды, қорғай білуді.
Нені меңгереді: Құстардың табиғатқа тигізетін пайдасы туралы білімдерін қалыптастыруды.

Есжанова Қорлан Қалдыбайқызы
Тәрбиеші

№7 бөбекжай –бақшасыТараз қаласы