Өз алдына ту, әнұран, елтаңбасы
Бір мақсатқа жетелейді Елбасы
Тәуелсіздік мәңгі болсын деп тіледім
Елін сүйген – Тәуелсіздік құрдасы
Қазақстан тәуелсіздік алған жылы туылған мен Қорғанова Нұрсұлу тәуелсіздіктің түйедей құрдасымын. Алғашқы жылдары тәй-тәй басып, ақырын жүріп, оң-солымызды танысақ, қазір қадамымыз анық, мақсатымыз айқын.
Тәңірдің өзі тарту еткен Қазақстанның тәуелсіздігіне 30 жыл. Бұл қайта жаңғырған қазақ мемлекеттігінің, ата-бабаларымыз аңсаған азаттықтың тұғыры нығая түскенін әйгілейтін маңызды белес. Тарих тұрғысынан алғанда, отыз жыл – көзді ашып жұмғандай қас-қағым сәт. Дегенмен, бұл көптеген халықтар үшін қиындығы мен қуанышы, дағдарысы мен дамуы алмасқан тұтас дәуір деуге болады.
Еліміздің әрбір саналы азаматты «Отыз жылда біз қандай жетістіктерге жеттік?», «Келер ұрпаққа қандай елді аманаттаймыз?», «Мемлекеттігімізді нығайта түсу үшін тағы не істейміз?» деген сауалдар толғандырары анық. Осы тұрғыдан алғанда, бұл – арман-мақсаттарымызды тоғыстырып, болашаққа тың серпінмен қадам басу үшін өткенге тағы бір мәрте оралатын, жетістіктерімізді ой елегінен өткізетін маңызды кезең.
- Жарнама -
Мен азаттықтың алғашқы онжылдығын жаңа Қазақстанның іргетасын қалау кезеңі деп атар едім. Елбасының басшылығымен мемлекетіміздің нышандары белгіленіп, билік жүйесі қалыптасты. Ұлттық валютамыз айналымға енді. Қарулы Күштеріміз құрылды. Ата заңымыз қабылданды. Шетелдермен дипломатиялық қатынас орнатылды. Еліміз беделді халықаралық ұйымдарға мүше болды.
«Қазақстан – 2030» стратегиясын қабылдадық. Шығыстағы көршімізбен шекарамызды бекіттік. Басқа да іргелес мемлекеттермен шекара жөніндегі келіссөздер қарқынды жүргізіле бастады. Ел аумағын ядролық қарудан толық тазарттық. Елордамызды Арқа төсіне көшірдік. Нарықтық экономикаға өтіп, жекеменшік институтын берік орнықтырдық. Отандық бизнестің негізін қаладық. Жастар әлемнің маңдайалды оқу орындарында білім ала бастады. Түрлі дағдарыстардан аман өтуге мүмкіндік берген Ұлттық қорымыз құрылды. Дүние жүзіне тарыдай шашылған қазақ баласын атажұртқа шақырып, Ұлы көшке жол аштық. Соның нәтижесінде ел еңсесі тіктеліп, ұлттық рухымыз көтерілді.
Президентіміз «Тәуелсізік бәрінен қымбат» деген мақаласында отыз жыл ішінде Дүние жүзіне тарыдай шашылған қазақ баласын атажұртқа шақырып, Ұлы көшке жол ашылғанын жазған. Атажұртқа оралған 1 млн 76,1 мың этникалық қазақ ата-баба жерінде өмір сүрудің бақыт екеннін айтып, «шүкірлік» еткен.
Қазақстан тәуелсіздігіне биыл 30 жыл. Әр бағыт бойынша «Үдемелі индустриялық-инновациялық даму», «100 мектеп – 100 аурухана», «Нұрлы жол», «100 нақты қадам», сияқты ауқмды бағдармалар жүзеге асырылды. «Батыс Еуропа – Батыс Қытай» халықаралық дәлізі сияқты ірі инфрақұрылымдық жобалар қолға алынды. «Мәдени мұра» бағдарламасын жүзеге асырып, тарихымызды түгендедік. Үйлер салынды, жолдар жасалды, мектептер, бала-бақшалар тұрғызылды. 1991 жылдан бастан елімізде 1400 жаңа аурухана мен емхана, 1800 жаңа мектеп және 2700 балабақша салынып, әлеуметтік инфрақұрылым жаңарған.
Біздің интернет ТМД елдерінің ішіндегі ең мықты әрі интернет екенін білесіз бе? 2018 жылғы статистикаға сүйенсек ғаламтор жылдамдығынан әлемде 57 орында, (19,48 мб/с) ал ТМД-да 1 орында екен.
Тәуелсіздік алғаннан бергі жылдарда «Болашақ» оқу бағдарламасымен 13 000-нан астам жас алыс-жақын шетелде мемлекет есебінен оқып келген. Қазіргі таңда Қазақстанда 604 мың студент бар екен, оның 180 мыңын мемлекет оқытып, стипендия төленіп отыр.
Мемлекетіміз тәуелсіз ел болған отыз жылда отбасы деген институтты сақтап қалу мақсатында жобалар жасалынып жүр. Мысалы, «Мерейлі отбасы» деген республикалық байқау өтеді. Отбасылық соттар жанында «Бақытты отбасы» ресурс орталығы жұмыс жасайды. Ажырасуға арыз берген отбасылардың 38% татуласқан.
Алдағы онжылдықтың бізге жүктейтін міндеті – қуатты елдің иесі және кемел халық болу. Бұл жолда саяси-экономикалық реформаларды және сананы жаңғырту үдерісін жалғастырып, заман талабына бейімделген ұлттың жаңа болмысын қалыптастыруымыз қажет.
Біз әділетті қоғам мен тиімді мемлекет құруды көздеп отырмыз. Кез-келген істе әділдік қағидатын басшылыққа алсақ, бұған анық қол жеткіземіз. Еліме, жеріме деген махаббатым жұдырықтай жүрегімде лаулап жанады. Біз тәуелсіз Қазақстанның жастарын мектеп қабырғасынан білімге құштар, өз елінің патриоты етіп тәрбиелеуіміз қажет.
Загрузка…
Перезагрузить документ 
Открыть в новой вкладке 
